CHHAKTIANG ZOFA ZIRLAITE

Inpuihtawnna chauh lo chu

Chibai ! Laiking fa neih : Fa nei sia ngaihsak zui leh si lo

 

Keimahni

Chhaktiangzirlaite.info website hi Chhaktiang Zofa Zirlaite(CZZ) Google groups hruaitute leh memberten an enkawl a. Chhaktiang rama Mizo thalaite insuihkhawmna groupmail a ni bawk.

Kan ram harsatna avanga ram dang hmasawnna partlan chhaktiang ram lanu valrualte zirna rûn sang bel kan tam ta! Tin, zirzo tawhten khawvel hmun hrang hrangah hnathawkin kan hmangaih kan chhungte leh lenrualte kalsan pawh kan kat ta nuk mai! Mahni pian leh murna hmun chhuahsana ram danga riahrun bel kan thalai rual zirmekte leh zirna zo tawh hna chelhmek neite chuan, an kalsan tak thalaite hre rengin, khawtlang tan hmasawnna lamtluang a zawh theih nan, kum 2006 March thla ni 14 khan Chhaktiang Zofa Zirlaite (CZZ) group-mail chu din a ni a. CZZ thuvawn(Motto) chu "Inpuihtawnna chauh lo chu" tih a ni.

A Thiltumte:
  1. Zirna leh hnathawhna kawnga thurawn inpek
  2. Mizo tawng ziak leh chhiar kawnga thalaite tihhmasawn
  3. Mizo thalaite thiamna hai chhuah leh pholan
    4. tih a ni a.

Tin, hei bakah hian ram hran hran, tlang hran hrana leng kan nih angin mahni zirna leh hnathawhna hmun chanchin inhluitawn a, hriatzauna inpek pawh CZZ hmalakna pakhat a ni bawk. Kan thiltum zawng zawng innghahna bulpui ber erawh kawng engkima Pathian ropuizia tih lan  leh Kristian nun mawi tih lan a ni.

May ni 7, 2008 khan he website hi tlangzarh a ni a. Chhaktiang rama khawsate hian kan chhunglama thil thlengte tarlanna leh thalaite zinga rawngbawlna nei website len theih kan la nei tlem em em a. Chuvangin, he chhaktiangzirlaite.info website hian thalaite, zirzo tawh, hna thawk mekte leh zirlaite mamawh a fah theih ngei beisei a ni. Zofate tana ding a ni bawk.

Kan thupui ber "Inpuihtawnna chauh lo chu" tih angin ram dinhmun vanga beidawng zirlaite leh thalaite tlakchhamnate te zawng chhuak a, a theih ang ang a, kan hnam nun zemawi tak "tlawmngaihna" hmachhuan a, inpuih a inhuam reng a.

 

CZZ Hruaitute(2010-2011)
President:   C.Daniela B.E.
Vice-President:   Linus B.E.
Secretary:   Lalhlimpuii B.A., M.Th.
Asst. Secretary:   Lalbiakzovi
Treasurer:   Gabriel Lawmzuala
Advisor-te:   Suirengliana B.Sc., M.B.A., Ph.D.(Candidate)
    Rikhuma B.A.
Editor-in-chief:   Lalawmpuia M.Div.
Editor:   Lalhlimpuii B.A., M.Th, Laltlansanga B.A.
Webmaster-te:   Malsawmsanga B.C.A, Risanga B.E