|
|
Thian Siam DanZiaktu: Valmama Tahan
Post-tu: Mahlimi
Rating: 
Type: Thu
Date: Wed 13 May 2009 1.47PM
Views: 1286
comments [6] Thrian siam hi kan ram Mizote zingah chuan dan naranin mipa tlangpui chuan an thiam vak lo nana, an ti thei deuh vek a tih theih ang. Hmeichhiate-ah ve thung chuan a tlangpuiin mipa ai chuan thian siam an thiam hle thung. Kan Mizo nunphungah chuan hmeichhiate hi hmelhriat loh inleng pawh thiam taka lo welcome thrin ni mah ila, kramah hi chuan Kawl culture-in min luhchilh bur mai si a, inleng kawm thiam lo kan ni deuh vek tawh zawk tlat mai. CZZ member tam zawk hi chu welcome thiam hleihluat vang zawk te a kawppui kuangkuahpui rih lo kan ni hlawm lawm ni Naupang Fel Vettei? College rap bel tleng tlung chin tawh hi chu thrian siam peih luat a vanga Semister khata trum (2) exam chhang kan tam em a. Thrian siam dan hi a bu-in Revd.Dr.L.R.Bawla ziak hmuh tur kan lo nei daih tawh a, mahse he thrian siam dan hi chhiar thuak pawha a tlangpui hriattheih turin ka phak tawk a tawi fel leh zangkhai thei ang berin ka han puahchah ve chawt mai chu a ni a. He thrian siam dan hi triau a tui leih ang a riral leh mai mai leh kawngro sukaw lo a ni emaw, a thrathnempui pahnih khat tal pawh kan awm lo anih paw'n in chhiar ve rim rim a nih chuan ka lung lawm a kim tawh a, "Lo chhiar ve reng reng teh se." tih hi ka trawngtraina ni.
Hmelhriat neih:
Aw le! rahbi 1na a tan thriana siam tur kan zawng tran dawn ta a, thrian siam tur chuan rualpawl mi nih a trul a, inchhunga taptawm chut chut chu tih chi loh No.1 tih hre phawt mai ila. Thriana siam tur hmelhriat neih hmasat phawt a trul a, chumi tur chuan kan lengchhuah ve deuh chu a ngai. Mi awmkhawm deuh-na Club emaw, Sport center pakhat khata tel te pawh hi hmelhriat neih theihna samkhai a ni. Khawtlang leh huho thil tihna a tel ve thrin ngei a thra bawk. Mahni tuina kawng bik i nei a nih chuan i tuina ang tui ve te chu thrianah awlsam takin i siam thei ngei ang.
Titi thiam:
Hmelhriattharte nena kan inkawmhona kan neih hi thrian siam nan thil pawimawh tak a lung thrut a ni a. He tiang hunah hian inzirchawp lem lo a khabe sep thiam deuh bik hi chu an awm a. Zakzum leh thusawi thiam lo kan nih chuan sikul leh hnathawk iloa thrianrual nei ngahte hnen a trang an tih dan entawn a inzir ngei ngei a thra. He pa hian eng tin nge thrian a siam? Eng tin nge inlaichinna thra a din tih hi kan ngaih ven thrin dawn nia.
In thup loh tur:
Mahni chemkalna hi mi hmaah kan tilang hreh tur a ni lo. kan thil ngainat zawng leh kan mi ngaihsante chu kan hmelhraitte hriattheih ngei turin sawi chhuah ve zeuh zeuh thrin a thra. Chumi a trang mite'n min ngeinat dan tur an hmu thiam thei dawn si a. Buaina awm thei ang chi leh mi rel chhiatna anih loh chuan thu thup nei lo la, inthup ching mi kan nih chuan chu chuan thriante nen a in laichinna ril a siam thei thrin lo. Thuruk inrilh tawn hi thrian thra tihlutu leh tiriltu a ni si a.
Mi hip dan chi khat:
Ram huap leh khawvel huap chanchin thar leh langsar zualte ngaihven thrin la, a theih phei chuan hla larte, milarte, Movies leh lehkhabu thar ngaihven thrin a thra ang. GK hausak hi mite rilru hip theihna chi khat a ni a, mahni'n kan hlawkpui bawk. Tichuan thruthona a titi hunah kan sawichhawng leh thrin ang a, tichuan miten thrian atan min sit lo ang a, min hmuh leh pawh an nghalhlel ngei ang.
Mit a en:
Thriana kan siam tumte nen kan inbiak hunah an mit taka en khiau a thra a, en rum palh lo tur erawh chuan fimkur a thra hle ang. An thu sawi nen inmil a hmelhmang lo tih danglam ve zel a thra bawk. chu chuan kan inbiakna a ti thukin a ti ril thrin si a. Thu sawitu kan nih chuan a ngaithlatute en lova mit kan len kual vel mai mai a nih chuan. a ngaithlatu mode a ti off thrin a, in inbiakna ngai pawimawh lovah a lantir tlat thrin.
A ngaithlatu nih:
Thriante thusawi hi thra taka ngaihthlatu nih hi a pawimawh berte zing a mi a ni. Anmahni chungchang sawi turin zawhna kan siam ang a, kan zawhna an chhan lai mek paw'n an thusawiin kan rilru a la tih lang tir a thra bawk. Hei ringawt pawh hi thrian tam tak siam nan kan hmang thei ngei ang.
Biak dan pangngai:
Rualpawl lo leh mi nelawm lo an nih pawhin biak dan pangngai rengin kan bia ang a, chu chuan khuareiah inthrianthratna a siam leh tho tho tih ringhlel suh ang che. Nunphung pangngai taka nun a, awm dan ti danglam vak vak ngai lote hi mi tlangpui ngainat chi a ni hranpa ve reng a ni.
Inrintawkna:
Mahni inrintawkna nei la, i inngaihtlawmzia lantir nan mahni in sawi chhiat reng ching suh ang che. Hei hian thrian i siamna kawng kal tluang mek a ti khawlhkam thei a ni. Chuvangin a chapo zawng ni hawh lovin nangmaha Quality thra i paite kha insumpai lovin pho lang zawk ang che. Mitlangpui hian inringtawk leh thiltithei an ngaisangin si a.
Hawihawmna trangkai:
Thrian a tan siam kan tum te chu keimahni ngainat, ngaihsan leh zah ruk emem ang chi ni thei se a duhawm. Mitin chunga hawihhawmna tih lan theih hi a thra bawk. Tichuan hmelhriat i lo nei tam ang a, chu i hmelhriatte zinga trang chuan thriana tan i duh zawng chu awlsam takin i thlang thei ngei ang.
Thriante chunga thratchhuah:
Thrian thar kan neih a piangin thrian nghet leh thrian thra ni thei ngei tura bawhzui hi a tluktu a awm lo mai ni lovin kan tum bulpui ber a ni. Chu kan thrian chu zah thiam tak leh ngaihsak taka min mamawhnaah pui thrin ila, anni paw'n chu ti ang chuan kan chungah min rul ve ngei ang. "I Chunga ti tura i duh angin mi chungah ti ve rawh" tih a nih kha.
@}:>============================<:{@
Ngaihdan-te
Ngaihdan Ziahna
|
|
| |
