NIBIRU - 2012 ah Khawvel A Tawp !!!???

Ziaktu:

lalchhanhima
Post-tu:

Mahlimi
Rating: rate

Type: Thu
Date: Sat 29 Aug 2009 5.58PM
Views: 1284
comments

[22]

Tunlai chanchin lar tak pakhat -" 2012 ah khawvel a tawp dawn !!! " tih hi mithiam zawkte cho chhuah nan theihtawp ka han chhuah ve ang e. Kristian kan nih vang emaw , chumi khami kan nih vang emawa hetiang thu hi sawi lo tur kan ni tih ziak a awm awm ka hre lo va. Kristian kan nih avang emaw, kan pianthar avang emaw tea hlauhna nei lo ringawta awm emaw, thih hlauh loh rikngawt tur emaw tihna a ni nahek lo.Pathian neih avanga englai pawha tuar ngamtu nih leh tawn ngamtu nih erawh a pawimawh.

Kan thupuia kan luh hma lawkin "Universe" chanchin tlem han sawi hmasa zawk ta ila,kan thupui sawi tur kan hriatthiam theih nan.Kan chenna khawvel(earth - planet) hi thla(moon)-in a hel kual a,ni (sun) khi kan chenna khawvel leh kan chenna khawvel ang tho,planet(arsi) dangten an hel kual a ni.Ni(sun) khi kan leilung atanga zana kan hmuh thin arsi(star) pakhat ang tho a ni a.Van thengrenga arsi,thil tum leh ilo vel zawng zawngte khian anmahni tawkin hipna an nei theuh hlawm a.Tin an awm mai mai lova,an virkual in,anmahni kawng theuhvah insu buai awm lovin an thlawk kual vel hlawm vek a ni.Thla(moon) leh khawvel hi a inhip tawn ang bawkin,ni(sun) leh a heltu arsi/thil tumte pawh hi inhip tawna in phuar khawm vek an ni.Ni leh a heltute hi "Ni chhungkua"(Solar System) tih a ni.Ni leh thla leh arsi maktaduai tel awmkhawm deuh bik hi "Galaxi" tih a ni a.Mizovin "thlasik kawng" tia kan en thin pawh khi Galaxi pakhat a ni.Hetiang Galaxi(thlasik kawng - ni leh thla leh arsi tam tak fuankhawm) hi van thengrengah khian engzat tak awm ang maw? tih hi mithiamte ngaihtuahna titamtu leh ti-lu haitu a la ni fo.Hetiang Galaxi chhiarsen rualloh leh hmuhchhuah sen loh , van thengreng- kan hriat phak loh leh hmuh phak loh zawng zawng thleng huamin , tawpna a nei nge nei lo mihringtena kan hriat theih loh zawng zawng thlengin - chu chu "Universe"tih a ni.Tin,hei pawh hi hre mai mai ila - vansang lam leh arsi lam thuhla-ah hi chuan NASA(National Aeronautics and Space Administration) hi khawvel rinpui ber a ni a,vangsang lam chanchin zirnaah hian hmahruaitu ber leh rintlak ber a ni.

Kan thupuiah -

-02-

2012 a NIBIRU-in Kan Chenna Khawvel A Ti-Khawlo Dawn Titu,Mithiamte Thuchhuak

Hemi chanchin i hriat hian mak i ti viau mai thei.Mahse ,NASA leh US ram hruaitute tan erawh a mak tawh hran lo!Anni ho chuan 1983 khan he thil hi an lo hre lawk daih tawh asin!US ram hruaitute hian 2012-a NIBIRU-in khawvel a tih khawloh hun atan tum ruk(an dam khawchhuahna tur inbuaisaih rukna) an nei a,nang tehin i nei ve em le?Hun lo kal turah kan chenna leilung rawn tibuai thei arsi a awm theih rinna NASA hian 1982 khan a lo nei tawh a.1983 khan chumi chhuina chu an lo thawk tan daih tawh a, thil tum lianpui pakhat lam tinzawnin URAS(Infrared Astronomical Satellite) an lo tirchhuak daih tawh !

Albert Einstein-a khan khawvel chhim tawp leh hmar tawp inhip siksawi khawlohna hlauhawm a la thlen tur thu a sawi a.Mayan hnam Calendar(The Tzolkin,or Mayan Sacred Calendar - he Calendar hi Pyramid leh building hrawl tak tak lo dintu hnam upa Mayan hoin 250 - 900 A.D. vela an siam a ni)-ah chuan 2012 hi khawvel tawp kum a ni bawk.Holy Bible pawhin he thu hi a lo hril lawk daih tawh asin! - Hebrew Bible (ka rawn tarlang thei ta lo).

"NIBIRU" kan tih hi arsi dum pakhat(dark star or Brown Dwarf ) heltute zinga mi pakhat a ni.He arsi dum hian heltu planet tenau panga a nei a,a parukna erawh chu kan chenna leilung(earth) tiak vela lian a ni.A pasarihna chu tuna kan sawi "Nibiru" a nih loh leh ,"Planet X" chu a ni.He Nibiru / Planet X hi tuna a lan dan chuan sen deuh vut mai a ni a,tin heltu thla (moon) a nei nual bawk a ni.

Arsi dum(dark star or Brown Dwarf ) leh ni(sun) te pakhat leh pakhat an inhnaih ber tum a lo thleng dawn a,chutah chuan arsi dum heltu zinga a hla ber-Nibiru hian tuna kan ni chhungkua(solar system) ramri hi a rawn tawn (tan) pha a ni.Chu chuan hipna nasa tak inpawh siksawi khawlohna a siam dawn avangin tuifinriat tui tifawn-in "No-a Tuilet" ang kha a thlentir ang.

2007 khan Nibiru hi khawvel atanga hmuh theihin a rawn lang zuai tawh a nih kha . May 2011 a lo thlen chuan he Nibiru hi mit lawngin mi tinin kan hmu thei tawh dawn a ni.21th December , 2012 ah Nibiru hian kan ni chhungkua ramri chhung a rawn lut ang a,khawvel atang hian ni(sun) pahnih nei ang maiin Nibiru pawh hi chhun engah kan hmu tawh ang.Tichuan. Lir-nghing nasa tak leh sik leh sa boruak chhe lutuk tak mai ten hmun an rawn luah ang.

A nasa ber lo thlen tur hun erawh 14th February , 2013 - kan khawvel(earth) hi NIbiru leh ni(sun) inkar taka a awm hun a ni.Chutih hun chuan Lir-nghing turu tak , Tsunami ,chhim leh hmar hipna inpawh siksawi khawlohna nasa tak,leilung khikak phawk phawk leh tlangkang nasa tak(volcanoes) a lo thleng ang.Khawvel hi nithum chhung zet dingin a thim mup ang a,leilung insiam that (in rem that)-na emaw, "Rorelna Ni"a lo thleng dawn a ni.Chumi hnu,1st July , 2014 chuan Nibiru chu engtik maha kan khawvel rawn tibuai leh tawh ngai lo turin,kan ni chhungkua lalram chhung atangin a thlawksawn tawh ang.

NASA hian he Nibiru lo thlen hun tur hi 1983 atang khan a hre lawk daih tawh a,mahse vawiin thleng hian a la zep ruk tlat chhan hi engvang nge nih i rin?Khawvel danga awm thieh dan an hmuhchhuah hman i ring em?NASA ,D.O.D.,National Military Inteligence , S.E.T.I., leh C.I.A. chhungril thurukah chuan "he hun lo thleng turah hian khawvel mihring hmun thuma then hmun hnih (2/3 of the population of the planet) an boral thei a,nung dama awm ho zingah hmun thuma then hmun hnih te chu eiin leh awm hmun(tawm hmun) harsatna avangin an thi thei bawk"tih chhutna an nei!NASA hian Hmar tawp atang an Hmar Tawp Entlang (South Pole Telescope) tharin he Nibiru hi a thli-thlai reng a ni.

NASA leh US ram hruaitute hian mi tin an chhanhim zo dawn lo tih hriain, he hun atan hian a rukin an inpuahchah reng a.Mipuite erawh,an tana inbuatsaihna hun tha an la siamsak lo ta cheu a nih hi! Khawvelah hian vansang lam chanchin zir a,chhuitu - mithiam tam tak an awm a.NASA chauh hi hemi kawnga thil engkim hretu a ni bik kher lo.

-01-

2012 ah Engmah A Thleng Dawn Lo Titu,Mithiamte Thuchhuak
Nibiru chungchangah hian "He thu hi dawt muhlum a ni" titu,mithiam tam tak an awm a,chung zingah chuan vansang lam chanchina kan rinpui ber NASA chhanna hnuhnung ber(ka ziak lai hian) chauh hi lo tarlang ta mai ila.Hre belh duh tan -http://www.universetoday.com/2008/05/19/no-doomsday-in-2012/

NASA hian tun hma atang khan hemi thuhla hi zawhna a lo dawng nual tawh a,he thu hi dawt muhlum , intihthaihna atthlak, thu belhchiandawl lo a nih thu te,NASA in vansangah chutiang Nibiru awmang tur hmuhchhuah a neih loh thu te, Hmar tawpa S.P.T. hmanga Nibiru an thlithlai loh thu te leh S.P.T. chu thil dang chhui tura an hmanrua a nih thu....etc. in a chhang ngar ngar a ni.

"He zawhna pahnih hi nichin lawka ka dawn a ni a,2012 ah thil thleng tur anga hril lawktu bumhmang leh mi a ho hian thin an tirim hle.2012 ah engmah chutiang thil thleng tur a awm lo.Planet Nibiru a awm lo.Ni chhungkua ramri rawn lut tur thil engmah a awm lo.Khawvel vir dan leh kal vel danin engmah danglamna a nei lo.Arsi rawn lut tur engmah a awm lo.Vansang thlipui tleh mai tur ang a awm lo.Intihderna mai a ni. Khawngaih takin lo hlauthawng duh suh u.Internet-a mi a ho thu thehdarh - 2012 chungchang chhanlet nan Ask and Astrobiologist Webpage chunglamah khian,'Zawhna Sawmhnih' tih thuppui hmangin ka ziah saw.Napaung ho tihlauthawngtu ,thu awmang lo lutuk thehdarha Dollar tam tak hai luh tumte , mi a ho tumna hi kan dolet ve ngei a tul niin ka hria."

David Morrison NAI Senior Scientist August 12,2009
-00-

Ka Thlir Ve Dan Mai Mai

He thil hi thil thleng thei a nih ang bawkin, inbumna mai mai a ni thei.NASA leh US hruaitute hian thu an lo zepin anmahni sahimna tur an buaipui mek a ni thei bawk a.Tin,Scientists dangten NASA tih mualpho an tumna vel mai mai pawh a ni thei.Politics lam thil vanga he thu hi lo chhuak mai mai pawh a ni thei tho.Tute emaw sum hai luh duhin chanchin danglam leh maksak an thehdarh pawh a ni thei tho bawk.

Bonus

YAHOO! ANSWER -Jimkearney746's Answer ( Does anyone know anything about the planets aligning in 2012?)

Chhanna tha ber an thlanchhuah

Mayan ho atang chuan 2012-ah khawvel a tawp dawn.

Scientist thenkhatte atang chuan Chhim tawp leh Hmar tawp inhip siksawi khawlohna nasa a thleng dawn.

Chhinchhiahna pasarih ringtute atang chuan khawvel tawp intanna tur a ni.

Engpawh nise,tawrhna nasa tak kan hmachhawn dawn a nih pawhin,chu chu Ruat angin a lo thleng dawn a ni mai.Khawvel hi ni(sun) hnaih lama a kal chuan Mercury(ni heltu zinga arsi-planet te ber leh ni hnaih ber) angin khawvel tuamtu boruak te hi kangin kat-ah a chang ang a,kan vaiin kan thi ngei ang.

Ni(sun) hlat zawnga khawvel a kalsawn a nih chuan,a kal hlat dan azirin ,ni(sun) tel lova thlai chin dan te,power siamchhuah dan thiamna te kan nei tho.Chuvangin,ni(sun)hnaih lama thlawh ai chuan a hla lama thlawh chu a chakawm deuh.

Pathian in a hun taka engkim a ti thin a,Pathian tihtur lo hriatlawk tumna reng reng a hlawhtling famkim ngai lo.....

Homework

I ngaihdan , hmuhdan , i hriat dan,i veizawng , i duh duh rawn tlak ve bawrh bawrh teh.

website rawnte:
1.Misual.com - NIBIRU http://www.misual.com/2009/08/24/niribu/#more-15654
2.NIBIRU - Truth about NibiruShock2012 Photos

http://www.youtube.com/watchv=zdmv9BdmeXs&feature=video_response

3.NIBIRU- 2009 Update
http://www.youtube.com/watch?

v=lZp7xWV8wJ4

4.NIBIRU 2012 - The End of the World

http://www.youtube.com/watch?v=pS7Rky3V7Wk&feature=fvw
5.NIBIRU 2012 A.D. The End ?
http://www.youtube.com/watch?v=ZlcPWa6SomE&feature=related
6.Astrobiology - Life in the Universe (NASA Web.)
http://astrobiology.nasa.gov/ask-an-astrobiologist/popular/
7.The Mayan Calendar
http://www.universetoday.com/2008/05/19/no-doomsday-in-2012/

Source : Chhaktiang Zofa Zirlaite groupmail, 28, August, 2009.

@}:>============================<:{@

Ngaihdan-te

Chawnghilh :	Date: 11-12-09 7.59AM

Chawnghilh :	Date: 11-12-09 7.57AM
	&sm7 Unaute u, be seated! Thu ka la rawn sawi ang!
Lawma of RU :	Date: 19-09-09 3.50AM
	Kan chenna khawvel leh a chhehvela thil reng reng hi a Stable vek kherloh avangin thil tam tak hi Theory hmanga chhutchhuah mai theihloh tam tak a awm ve thei a ni.Chumiavang chuan He mi chungchang hian min tibuai hranpa lo va. Tin,Khawvel tawp hun tur hi Pa chauh lo chuan , midangin an hrelo tih hi a dik viau in ka ring.Khawvel tawp hun tur ka hriatloh vang leh Ka hun tawp hun tur ka hriatloh vang tak hian Nitin amah PATHIAN lawmzawng zawm fova ke pen lamah hian ka buai nasa mah mah zawk ...Thawnthu tawi pakhat tha ve deuh chu...KHaw pakhat a Nu pakhat hi ...Doctor hnenah a va in entira Doctor chuan Thla 5 bak i daih lovang tih a lo hrilh a, chu NU chu Pastor hnenah kalin Doctor in a hrilh ang ang hrilhin a mangan thu a va hrilh a,,,Pastor chuan ...Ehhh!!!I vannei khawp a lawm ...I tawp hun tur te i hre bika ..a lo tih san ta daih a. Chutiangbawkin 2012 ah khawvel a tawp dawn anih chuan Kan tawp huntur kan hria a,,,kan van nei hle a ni. Mahse hei hi ka ringnghet burmai ang... KHawvel tawp hun tur chu Pa Pathian chauh lo chuan , tuma'n kan/an hrelo tih hi.
Kross :	Date: 13-09-09 11.39AM
	Awle.., Himte,kal zel nang che.Hetiang lam hi kan hmasawnna lam tur a ni e. Krossenga,Rairah Run Hmun Khawhar
Chera :	Date: 07-09-09 6.57PM
	he thu chu in va chhau nasa hlawm laih2 ve .. kei chu ka chhar a, comment hmasa ber in a sawi "target" hi ka rilru ah a rawn lang tlat mai :D
Davidbut :	Date: 07-09-09 3.07PM
	He,Nibiru thu hi kalo chhiar ve a beng ati var in ngaihtuahna leh thluaksawizawi nan atha kati khawp mai,mahse,thil mak teh chiam chu ani in kahre lem lo,kan chen na khawvel ah nitin in thilthar athleng(chhuak) reng.Kristian kan nih avangri ngawt chuan ngaihsak loh tur leh buai loh tur chu ani in ka hre lo,khawvel ah kan chengtlat.kahan sawi ve duh cu ,kristian kan ni a, kan pawm dan leh kan rin dan te pawh inang vek awm tak ain kalh leh hlawm nual bawk si,Krista neitu tan chuan chuti khati tih chiam ngai lovin nangmah ah thufiah a awm mai zawk karing. Salai Buta davidbut111@gmail.com
Benjamin-a :	Date: 06-09-09 10.22PM
	E... Himtea leh CJ te, midang ngaihdan erawh ka hre lova, "Prevention is better than cure" ka rawn ti ve mai mai a nia.. huatna/thinurna emaw intihkhum duh vang liau liau rilru atang erawh a ni hauh lo a nia.. thil hi rinai a kal sual daih theia fimkhur thuhla mai a ni. Vawikat chu pa pa khat hian "Mi ka'n tihbum ve reng reng teng.." a tia thal (summer) tuikang lai hian "E..Tuivar luiah tunlai chu tui a tlema sangha man an awlin an tam khawp mai, duh duhin a chhar theih" a tia, mi kha an fehchhuak ta hluai hluai mai a, chumi a han hmuh chuan a sawitu ngei ngei pawh chuan emaw tiin a phur phurah chuan atang ta zuia. Amaerawh, Himtea hi chuan a hmuh leh a hriatte atang liau liau ngaihtuahna tamtak leh hun tamtak sengin a rawn ziaka a hlutawm tak zet a ni. Himtea rawn ziak leh CJ-a rawn tuihnihna te ka lo chhiarin kan groupin tiangthu rawn sawi/ziak thei mi kan lo nei reng cheu hi ropui ka ti rilru hle a ni. Science leh astronomy lam lo uar ve em em scientist lo nih tum ve tak thin ka nia, scientist hmingthangho leh astronomy chungchang chhiar nuam ti mi ka lo ni ve thin a, in awmna leh in zirlai/zawhtawh te pawh hriat chiang ka chak vawng vawng hial a ni (ka lo hriat tawh te hi in lo ni reng zawk nge chu). Amaerawhchu, Himtea hian heng chungchanga a rilrua awmdan ang angin rawn pho chhuak tawp se, groupa active deuh deuh ho hian lo tui pui dual dual mai i la, a karah silent reader tamtak kan lo awm bawka, chutikarah thu kan dawngsawng thiamdan leh sawichhawngthiamdan inchen lo tak takte kan lo ni a, thil hi rinai a kalsual thei a, a ziaktu ngei pawh hian a tum ai daih in a kalpui thei tlat a ni (tehkhinthu kan sawi ang deuh sawn). Amaerawhchu, mi ngaihdan khikhai hmasakdan a thiam tlat mai a, a entawn tlak hle. Personal taka lo seltu pawh awm mahse, a dang pawh rawn ziak zam pah nan hmang lova courage a neihna hi a entawn tlakna a ni, a thuziah debate sak a welcome-na te nen hian. Mi aa au au hi tuman an hnial an hnial kalh peih ngai lo a nia.. (E.. fahlam hla, mother's day tana phuah, riltak leh mawitakte kha chu kan sawisel phak leh sawisel thiang pawh a ni hlei nem le..) Himtea leh CJ-a te in knowledge rawn lek tim lo turin ka fuih a che u, hei, Valmama te ho fiamthu a zo tawh a, Mapuia lah chu thi nge dam pawh hriat tawh loh. A pawimawh chu, hnialna kan lak thiam hi a nia (Dare to criticize and dare to be criticized!). Hnialna lakdanthiampa in lo nih chuan tluklohpa in lo ni reng mai dawn a ni. Kan duhthawh, tangulh ta lek lek em ni chu aw..te ka lo ti rilru hmana, mahse, optimist tak kan nihna a rawn langa rawn normal (green) leh nghal vat hi en tawn tlak hle. He thu hi chutivaka a awmloh hlei hlei chuan thil tha tak a ni a, chutivaka awmduh tir tlattute hi kan lo ni palh hlauh ang a.. Criticize tlak lo ni zel ang che u..
Nikima :	Date: 06-09-09 10.21PM
	HEI, Lunglei,MIZORAM ah lengi mantuak a awm ve lai ania. ZAWLAIDI kha ka lo chhiar ve a, Mizoram Megazine hi zo tawng chhiar thiam tam tak chhiar hlawh hle a, 2012 kan tih hi a rawn lang ve a,.. Mizoram chhungah chuan chuti tehvak chuan mipui ti thla bar tu chu ani lo phawt maia, CZZ hian kan lo trih khai vak tur pawh ani em ni awwwww... tin khawvel tawp hun hi Pathian thu thu ania, Chanchin chhiar naum tak leh ngaih nawmtak nimai in ka hria,, beng a ti var ngawt mai....
C.J.Lura :	Date: 06-09-09 10.19PM
	HEI, Lunglei,MIZORAM ah lengi mantuak a awm ve lai ania. ZAWLAIDI kha ka lo chhiar ve a, Mizoram Megazine hi zo tawng chhiar thiam tam tak chhiar hlawh hle a, 2012 kan tih hi a rawn lang ve a,.. Mizoram chhungah chuan chuti tehvak chuan mipui ti thla bar tu chu ani lo phawt maia, CZZ hian kan lo trih khai vak tur pawh ani em ni awwwww... tin khawvel tawp hun hi Pathian thu thu ania, Chanchin chhiar naum tak leh ngaih nawmtak nimai in ka hria,, beng a ti var ngawt mai....
Himtea :	Date: 06-09-09 10.12PM
	A manhla thei hle mai.Hemi chungchang thu hi alawm le ka ziah zawh hlim vel khan,Facebook lama thiante chhangtiangzirlaite.info -ah rawn leng lut a,an ngaihdan min hrilh turin ka ngen nual a.Ngaihdan leh hmuhdan a rualrem lo hlawm tho mai ! Dear Malsawmliana , hei hi NASA Official Website a ni e -http://astrobiology.nasa.gov/ask-an-astrobiologist/popular/ "Pa chauh lo chuan a hre lo" tih hi kan sawi nasa hle a, Lalpa lo kal lehna hnaih-ah chuan "Ni a thim tur thu / thla thisena a chan tur thu......" tih vel te nen hian a inmil ve thei tho em le?Bible zirmi ka ni lova,engmah ka sawi ngam lo.Pathian thu thu chu a ni ngei tih erawh ka ring bet tlat a ni ri-tawp. Hemi chungchang thuah hian NASA hi a daw lo tak tak a nih chuan "2012-ah hian eng thil mah lo thleng tur a awm lo" tih hi ka ring tawp.Mithiam leh zirmi leh chik miten an tihtlat te chuan le... 2012 thuah hian ka ngaihdan leh hmuhdan chu ka ziah saw...Mithiamte hi hemi chungchang thuah lo lungrual tehreng pawh ni sela, Y2K ang deuh khan an ti sual ve thei tho.Y2K (Year 2000/01/01 00:00:01AM),khawvel din tur hun emaw,Computer thluak khawloh vekna lo thlen tur hun emawa an ngaih,khawvel a thlabar em em ang deuh te pawh kha a ni thei tho mai.... England ram Computer zawrhna pakhat-ah chuan "I Computer lei kha i lei ni atang khan a tunlai tawh lo nghal tih hria ang che " tih hi an tar kuau mai e an ti asin!!!
C.J. Lura :	Date: 06-09-09 10.06PM
	Vawin 5th Sept. '09 ZAWLAIDI Megazine of MIZORAM. ah he thu bawk hi hmuh theih a rawn in tarlang leh tlat mai!!! 2012 ah khawvel atawp emaw tawplo emaw,Tunlai keini ZOFA te zingaah chuan thuthar chua ani ngei alwm..kan ZOFA te purchawk na leh belh ber MIZORAM, Most Educated State of INDIA, a Zirsangte leh zirlo lungmawl chhiar thei te zawng2 chhiar atan ti in ZAWLAIDI chanchinbu chuan a rawn ziak chuai2 ta tho mai.. www.zawlaidi.com Sept.'09 Keini CHHAKTIANGZOFAZIRLAITE in ti,Zirmek,Zirzo tawh te hian Kan lo Chhura Sakei hlauh ve ngawt a, a chhe zawng a effect neihtir tlat kan la tum tlat hi chu a kan sensitive mah2 em o ka tia.... Thil thar,khawvel buaipui leh tawngkau chhehber pakhat kan lo nuihzatleh asawitu leh ziaktu te elsen a ngaihtheih tur a kanin kap kual vel hi chu a fuhlo anga ka lo ti mai2 a.. A thu leh Achanchin te hian kan beng ti var se, tin HUN HNUHNUNGA awm,ding kan nih mi hriatir in,.. Kristian kan nih anga enghun ah pawh PA remruat a lo thleng anih pawn INPEIH reng atha ani tih mi hriat tir tu CHANCHIN thar ni se.. 2012,NIBIRU,PlanetX lo pawh AIDS,Swineflue leh Disaster chi hrang2 te rawn ziak in mi rawn maipawlputtir zel rawh u khai................ E.Taka! Himte, String theory leh Pole shift, an tia mi kha..!! khang i rawn sawi zauh te pawh kha hriat a va chak awm ve le!!!!
Himtea :	Date: 06-09-09 10.05PM
	Rilru zau tak pu-in,sawi ho leih leih teng u.Han inhnial deuh vut vut hian finna a rah chhuak a,thu tha a chhuak thin a nia... Hawh u,Literature Tuipui-ah han in chiah nui-ri uar uar te'ng u...han in hnial bawrh bawrh te'ng u..
Nel Nel :	Date: 06-09-09 6.47PM
	A va tha ve U Himte.
Bawmrang :	Date: 03-09-09 5.57AM
	ngati nge link hi ka va dah fuh thei love. misual.com ah lo zawng ula comment kha lo chhiar ve tawh mai teh u.
Bawmrang :	Date: 03-09-09 5.55AM
	http://www.misual.com/2009/08/24/niribu/?cp=1
Bawmrang :	Date: 03-09-09 5.28AM
	A hnuai a link a comment zawng2 hi lo chhiar ve u la in chiang uar mai in ka ring. http://www.misual.com/2009/08/24/niribu/?cp=1
Linus :	Date: 01-09-09 10.40PM
	Pa chauh lo chuan tumahin an hre lo " tih a nih kha maw... ;) just sit back and relax... "Live every moment as though it's your last"
CJ Lura :	Date: 01-09-09 12.57PM
	Subject thawh tu hian Zofa te mi tihthraih tum a rawn thawhlam ai mahin tun lai khawvel a Science chanchin lar tak ZOFA te kan bingvar ve nana thahnem ngai in arawn post ve mai ni in ka hria a.. Tin, NIBIRU hi thil tharhlam pawh ani tawh hranlo a, 1983 vel atang daih tawh a internet leh newsletter vel post tran tawh ania.. kan tlai khawhnu chin ve a.. NASA lam in a an khin website, te leh mimal emaw company ka la hmu miah loa .. Court lam chu a lang lo anih hmel... Tin, NASA pawh hian Thu zawng2 an puan chhuah kher loh leh thup an nei ve ang a te kalo tia... A source emaw achin dang chu mahni in Search engine ah te pawh hmuh mai theihin a awm nual hmel.. Hlauh ral ah chuan , Nuclear Bomb te accident thil ah puak palh ta hlauh tase, kan khua ah lir natak in nghing hlauh tase, beisei lo deuh in Swineflu nei ta hlauh ila..etc te hi a hlauh awm in a tih bai zawk hmel ka ti. Ringtu diktak nunneia, Nuna Bu a hming chuang,thriahtheih tawhloh inhrechiangte tan chaun a eng amah hian, chu ti teh vak chuan Rinna leh NunThlamuanna mi sawinghing lo ang te ka lo ti ve ringawt a!, Confi. mah mah em aww!! Enge, himte' i ngaihdan?
Raymond :	Date: 01-09-09 12.56PM
	i ziak tha thei hle mei. Kan CZZ hi kan hawizo viau in ka hria. Heng in news in rawn dah te hi NASA a tanga lehkha chhuak dik tak ani em? A resource a hi eng tluk in nge kan belhchiang tih ka zawt duh mei mei che u a, MASA a tanga thu chhuak diktak ani lo va khawi khawi a tang in ka lo la a kan ziak mei anih chuan mi chang kang te an tih dan ang in NASA min ti hmingchhia tiin cour ah min khing ang tih e ka han hlau ru deuh va. A enga pawh chu ni se, kei ni ordinary ve mei tan chuan eng mah tih dang lam theih tur kan nei ve lo vin ka in hria, lalpa ah ka in nghat tawp mei. Lalpa hi ka eng kim ani. Kan sawi vak vak pawh in awm zia lutuk anei chuang lo va, kan sawi loh pawh in kan hriat loh vanga kan lo in ready hman loh a vanga pawi luat tur em em pawh a awm theih chuang lo. Sawi duh pakhat ka neih chu mite ti thlabar tu tur a nih huan i sawi lo zawk mei ang u. Kei ni tih leh tih loh lam ani lo va, a hunah hatuan Pathian in a kin ta a tih huan kan pumpelh theih loh thil lo awm tur ani a, chu vang in lalapa ah in nghat zawk ang u miang tih ka hmuhdan ka rawn share ve che u ani e. Ka chingit bei a over cook a, tap mei mah he tia a sat chuan meidil chu a hlauh awm dawn mang e tih rawh u?
Gospel Hmangaihi :	Date: 01-09-09 12.52PM
	A beng var thlak khawp mai..heng thu te hi then khat chuan a sawi uar hle thin maia,a thente erawh chuan enga tan mah an ring chuang bawk lova. Keini ringtute tan erawh chuan engtik lai poha inring reng tur kan nih zia min hrilhin ka hria,a chhan chu ani leh thlate chu pa choh lo chuan a hre si lova,ring loh tur poh a ni lo va ring leh ltk tur poh ani chuang lovin ka hria,ring loh ringawt dawn chuan rukru ang in ka lo kal ang a ti bawk sia...
Krossenga :	Date: 01-09-09 12.51PM
	Heehe...A TluangTlam Phian... "Lawi Ka Hmu" tih hla i sawi thin ang deuh a nih hi le- i thupui ringawt atang chuan Kohhran din tum i ang tak tak.Mahse hei beng a ti var viau e. Ka hmuhdan chuan Mithiam dangte hian NASA hi an thik ang a,an phiar tumna lek a ni ang?
Valmama :	Date: 31-08-09 8.45PM
	He Nibiru thuhla hi mi barakhaih khawp mai, lo thleng tak tak dawn ni se la Pathianah bak innghahna a vang duh viau vang... Tlangval te tan hun a ti hmanhmawh hle, 2012 hma ngei a mahni Target threuh tihpuitlin a ngai dawn hmel te pawh a ti ang e... Dawt pawh lo ni teh reng se la a phuahchhuaktu hian thil a hre ngawt dawn a nih hi...

Ngaihdan Ziahna

Hming :

I ngaihdan :

HTML tags hman theih :
`<p>` `<b>` `<i>` `<ul>` `<ol>` `<li>`
Smileys & Emoticons
&sm1;	&sm2;	&sm3;
&sm4;	&sm5;	&sm6;
&sm7;	&sm8;	&sm9;
&sm10;	&sm11;	&sm12;
&sm13;	&sm14;	&sm15;
&sm16;	&sm17;	&coffee;

Security code:

Not case-sensitive

CHHAKTIANG ZOFA ZIRLAITE

Inpuihtawnna chauh lo chu

NIBIRU - 2012 ah Khawvel A Tawp !!!???

Ngaihdan-te

Ngaihdan Ziahna