Dear,  (CZZ) thian te u

In vaiin  Krismas leh Kumthar chibai ka buk a che u.

Hun leh ni te an her liam zel a, kumpui sul a lo vei leh dawn ta! Kan nghah Krismas ni lawmawm a lo thleng leh dawn. Hlim tak leh lawm takin kan hma hun hi thlirin Krismas leh Kumthar i hmuak ang u khai. Riangvai chanhai lusun fate kar hlaa lenrual lungduh zawng zawng te, in vaiin naktuk tuk leh maia lo thleng tur Krismas leh Kumthar hlim taka hman i tum theuh ang u tiin ka sawm duh cheu a ni.

Hei le, Sweet December ni atang meuh chuan Tahan leh a chhehvel pawh kan ri chel chul mai a. Ni chhuak te pawh a dangin boruak te pawh a nuam danglam hle mai. Bazar leh a chhehvel pawh Krismas hla leh rimawi chi hrang hrangin a khat a. Han vah vel chuan han sek deuh hlek a ngai tih tih alawm maw le. Hmun hla taka sum leh pai zawnga zinho pawh Krismas rim a han nam meuh chuan an mawnga hawlh ang maiin an awmna hmunah pawh an nghet thei tawh bik lo a. A then mahni khua leh tui lam pana zin haw te pawh a chhun a zanin a kat nuai nuai reng mai. Theological College hmun tinah Fund fate hrang hrang siamin kan hlim tlang ta hle mai. Kawppui nei ve lo tan leh hmun hla taka bial nu/pa awm daih tan chuan a hrilh haithlak hle-in ka ring a ni. Kei ngei pawh ka............alawm le. Mahse tawn ni a la her leh ngeiin ka ring a. Dam hi hauh phawt ila, a enga pawh chu va nise kan dam chhung tawi teah hian Krismas leh Kumthar hi hlim taka hman i tum theuh ang u tih hi thiante invai hnenah ka rawn hriattir che u a ni.

Keimahni huang

Pathian kaihhruaina zarah kan dam tlangin kan hlim tlang zel a, a lawmawm khawp mai. Kan damdawi in (Wesley Clinic) pawh furpui em ai chuan dam lo dinhmun kan tlahniam deuh a mahse sik leh sa inthlakah hian hritlang awm na a tam ang reng khawp mai. Tute pawh fimkhur a ngai a ni. Hei le, thawk tute kan thahnem ve angreng khawp mai a mahse kan lungrual em em si hi a lawmawm a ni. Date 14-15.12.09 pm zan hnih chhung Tahan leh kawlpui-ah te Carol kan chhuak a. Hemi kan sum leh pai hmuh hi keimahni leh damdawi in tan chauh ni lo, dam lo rethei zual tak tak te inenkawl nan tih hrereng chungin a thawk tute thahnemngai takin kan pen chhuak a. Kan zai te pawh kan tui teh asin. Kan phur hlurh hlurh khawp mai. Pathian kaihhruaina zarah pawisa faiin 800000 (nuairiat) chuang kan hmu a, a lawmawm khawp mai. A pe tute Lalpan a let tam takin malsawm zel rawh se. Hei le, thian te invaiin kan damdawi in hi min hriatreng fo kan mamawh a. Engtik lai pawn min tanpuina kan mamawh reng a ni. Sum leh pai zawngin a harsat pawn tawngtaina talin min rawn hrereng dawn a nia tih hi pangchang takin ka ngen che u a ni.

Krismas leh Kumthar hlim taka in hman theuhtheih nan ka duhsak na sangtak ka hlan a che u.

In thian,
        Thangchhuahchhungi
       Tahan.

Source: Chhaktiang zofa zirlaite groupmail a, group memberte hnena lehkha thawn a ni.