Mihring kan rawn pianchhuah phat hian kan rawn tap chhuak nghal a, hei hian entir thatak a lo nei reng a, tungchhova mihring kal tawh reng reng hian hreawmna, lungngaihna, hlimna, etc. kan hmachhawn dawn tih hriain, nu chhul a naute awm pawhin khawvel eng a rawn hmuh veleh tahna in bul a rawn tan ta a ni. Kan nitin nuna thil thleng thenkhatte:-

A changin kan lawm a,
A changin kan tap a,
A changin kan lungngai a,
A changin kan thinrim a,
A changin kan chak a,
A changin kan chau leh thin.

A changin kan hahdam a,
A changin kan duhâm em em a,
A changin kan la khawm a,
A changin kan paih darh leh thin.
A changin kan tam em em a,
A changin kan puar leh em em thin.
A changin kan hâl em em a,
A changin kan châk em em a,
A changin kan duh em em a,
A changin kan duhlo leh thin.
A changin kan ngâi em em a,
A changin kan kham leh em em thin.
A changin kan hlau em em a,
A changin kan nel leh em em thin.
A changin kan ten em em a,
A changin kan fawh tak kan nap a,
A changin kan hua a,
A changin kan do va,
A changin kan tlawn leh em em thin.
A changin kan êr em em a,
A changin kan fak leh mawlh mawlh thin.
A changin kan rel a,
A changin a chho em em a,
A changin a chhuk leh em em thin.
A changin a zawl a,
A changin sak thin,
A changin a âl em em a,
A changin a thlum leh thin.
A changin a thur a,
A changin a thur a,
A changin a kha leh thin.

He thil hi kan nitin nuna thilthleng thin anih avangin, tute pawh hi inhriatthiam tawnna lo chuan kan khawsa ho thei lova, thil engkimah kan thawk tlang thei thin lo a ni. Chuvang chuan i bula mi kha a thin a rim a nih chuan a lawm lamah tan lo tum thin ang che. A chung a kan tarlan anga tlar khat a kan indawr chuan kan khawsa ho thei lo a ni ber mai. Thenkhatin kawng chho tak an zawh laiin, kawng chhuk zawk zawh tum hram ang che. Heng "A changin...." atang hian i bula mite nen a inrem a awm tur chuan an chan loh zawk ang a awmthiam hram tum tur a ni. Hetiang ang a awm thiam apiangte hi miten an bula awm nuam an ti thin.