Chhaktiang zofa zirlaite group member Tv. Lalramlawma, zirna avanga Moscow-a awm mek CZZ palaiin online interview-na a nei thei hlauh mai a, he tianga interviewna nei tura a hun hlu tak min pek theih avangin Tv. Lalramlawma chungah hian kan lawm tak meuh a ni.
Tv. Lalramlawma = LRL ; Chhaktiang zofa zirlaite palai = CZZ .

CZZ : Han inzawt nghal mawlh mawlh mai ila, hnampui kan tihte pawh hian an pianna hmun hi an chawisang thin hle a, i pian leh murna min hrilh thei ang em?
LRL : Ka hming atang ka rawn ziak ang e. Ka hming pum hi Kumsang Lalramlawma a ni a,Pu lalzawngliana leh Pi zirthangi te fa u pahninhna niin kum 1985 Sept. 8 khan TAHAN - SANMYO khua ah ka piang. Thiante chuan LAWMA tiin min ko thin.


CZZ : A lawmawm e, I hming pawh a Pathian thu ruih mai a lawm le. Nangmah hre chiang chak tak tak kan CZZ memberten i tui zawngte hriat kan chak tlat mai a min hrilh thei ang em?
LRL : Thei e, tuipui zawng hi ka ngah khawpa, um!! lekkhabu, khawvel mi hlawhtlingte chanchin ziahna lam chhiar leh hnathawh hi ka tuina zawng ani bawk.

CZZ : I lehkha zirna lam a tlangpui min han hrilh teh le ( class 1 atanga college I rah kai thleng)?
LRL : Pawl chanve a tang Pawl 4 thleng SANMYO PRIMARY SCHOOL ah ka kal a. PRIMARY ka kal lai hian Pawl 3 leh 4-ah pathumna ka dawng . Pawl 5 atang 10 thleng TAHAN-TAUNGPHILAR HIGH SCHOOL NO-2 ah ka kal. PAWL -10 erawh chu RIH PAN THIT SA, Pu lalzahngaia; sayama Nutei DAY SPECIAL atang 2001 khan ka sual chhuak. D erawh ka hmu lo.

CZZ : Zirna hlirin hun i hmang a, i fakawm ngawt mai. I lehkha chhiar thin dan min hrilh thei em aw?
LRL : Time Table hi mahniin ka insiama, subject tin mai hi inangtlang takin hun ka siam theuh a, a karah BIBLE chhiara tawngtaina hun ka zep tel zel thin. Lehkha thiam thei bik ka nilo, amarawh chu chhiar leh zir ka taima hrim hrima, chu chuan hlawh tlinna ah min hlangkai ani.

CZZ : Russia kal tura thlan tlin zinga Mizo tlangval I han tel mai hi kan chhuangin kan lawmpui em em che a. I lo tlin chhoh dan min hrilh thei em le? (Scholarship i neih dan pawh sawi tel ni se)
LRL : Bul ret rawt atang han sawi ila; Kum 2002 khan UNIVERSITY OF KALAY ah Maths kum khatna ka zir tan. HONORS luhtheih ka duh avangin ,Tuition lak ka duh viaua, amarawh chu kan sum din hmun avangin ka la thei ta lo. Mahse kumhnih ka zir hnuah chuan Pathian khawngaih zarah HONORS chu ka lut ta a ni. Tichuan H-1, H-2 tluangtea zir zo in ,MASTER ka zawmthei ta a.
Nikum 2007 july khan kan ram chhung University leh College tinah University-a zirtirtu thawk tur an duhthu tarlan ani a. Diltu qualification atan chuan Kum 25 hnuai lam Mipa ,HONS atanga MASTER PHYS, CHEM, MATHS subject zirlai ngei an duh a.
Chutah chuan, Kalay atang ka chhang ve ta a,PATHIAN khawngaih zarah ka tling ve ta hlauh a ni. Tichuan Mandalay University-ah Training kan nei ta a, Scholarship exam te kan neih hnuah, kum 2007, sept. 14 khan RUSSIA tawng zir turin DSA-2 PYIN OO LWIN (Maymyo)-ah ka chho va, chutah chuan thla ruk chhung RUSSIA tawng ka zir.

CZZ : Tunah Russia ram chu i thleng ta niin kan hria a, i zir zel dan tur leh i zirtur ber subject te min hrilh thei em?
LRL : Ni e, Russia ram tluang takin ka thleng a, Nakum 2009 sept thla thleng chu MOSCOW STATE UNIVERSIYT ah lut hrih lovin, hmundangah RUSSIA tawng ka zir leh h rih phawt ang, MSU-a ka zirtur subject tak hi ka la sawi thei hrih mai lo .

CZZ : Science subject la te tan hian Maths hi a pawimawh em em a, Maths (or PCM) a i tui chhoh dan min hriat a chakawm hle mai.
LRL : Nia, MATHS hi a pawimawh khop mai, mi pangngai tawh phawt chuan ni tin khawsaknaah MATHS hi kan lo hmang theuh thin. Ka pa hi in sak thiam a ni a, a insak te ka en atangin MATHS hi ka lo tuichho ve ta a ni.

CZZ : Zirna lamah tuin nge inspiration siam sak (rilru hneh em em) ber che?
LRL : Ka pa hi a ni. Ka Pa min fuihna khan min hneh em em thin, sikul a lo rah tam loh avangin thenawm school hmang tangkai turin min fuih nasa thin.

CZZ : I zirna lamtluangah eng ang harsatnate nge i tawn a, engtin nge i paltlang thin?
LRL : Mi tamtakin an tawh thin ang tho vin Sumpai harsatna hi a ni deuh ber mai, mahse he harsatna hian tun dinhmunah min lo hlang kai daih zawk hi a lo ni.Tawrhna phenah hian MALSAWMNA a lo awm ngei a ni.

CZZ : I zir zawh hnuah engnge tih i tum ber?
LRL : Um! PATHIAN khawngaihna zarah ka zir zawh chuan kan ram harsatna avanga ram danga lungleng em ema hna min thawh sak thintu kan mi leh sa te tan kan ram ngeiah sawrkar hna chhun zawm ka tum.

CZZ : Chhaktiang Zofa Zirlaite leh i subject ang la i u leh naute hnenah engnge i chah duh?
LRL : Engkim siamtu kan PATHIAN khan MATHS hi chhan neiin a siam, a ropui zia min hriattir a duh vang a ni. Chuvangin PATHIAN ropuizia kan hmuh theih nan a sang lam panin i zir chho zel ang u.....
Ka thalai puite u, sawrkarna lam hi i ngai pawimawh teh ang u khai!!..Kan mite zingah sawrkar mi leh sa kan tam phawt chuan mi hnamin duh duh in min sawisa ngam dawn lo nia...

CZZ : Kan zawh hmaih, sawi duh hrim hrimte I nei em?
LRL : Hei hi han sawi ve ila, hnam kan la vung ro ro anih chuan ZO hnam pumtan tiin kan ramri i zauh ang u hmiang, chutilo chuan mahni ZO LEH ZO kanin taite zo palh ang a ZO hnam hi kawl, vai-ah kan chang zo ang eeeee...
L.keivoma’n he ti hian a lo ti a:
"ZORAM khawvel a mawi ber e CHHINLUNG naufa tual lenna hi
A tlangtluanin chengchhe mahse ZOFA lengtan pial ral a ni.
Huangtin kalsiam thlirdun turin ZORAM KHAWVEL i fang dun ang,
Insuihkhawm hun tur thlir rengin duhthu tin kim i sam dun ang"
LALPAN in awmna hmun theuhah MALSAWM zel che u rawh se.

CZZ : Aw le, nang pawh Lalpan malsawm che rawh se. Kan zawhnate tha taka min chhansak avangin kan lawm e.